Admir Bejo mbeti i plagosur me armë zjarri mbrëmjen e së shtunës në qytetin e Kuçovës. Mësohet se ai nuk është një personazh i panjohur për policinë, pasi në vitin 2007 u përfshi në një ngjarje, e cila fatmirësisht u mbyll pa viktima, por pati të shtëna.
Së bashku me të vëllanë, në atë kohë ai kanë tentuar të vrasë vëllezërit Ardian Kundja, 25-vjeç dhe Saimir Kundja, 27-vjeç duke i qëlluar me 8 plumba pistolete tip “Berete”.
Vëllezërit Ilija Bejo, atëherë 23-vjeç dhe Admir Bejo, 30-vjeç, u larguan me shpejtësi nga vendngjarja, me një automjet tip “Ford Fiesta” me targa TR 79 88 N, duke menduar se i kishin eliminuar shënjestrat.
Në lidhje me ngjarjen e vitit 2007, policia ka raportuar se bëhej fjalë për një konflikt të nisur për shkak të një femre me të cilin Ilia Bejo bashkëjetonte prej një viti.
