Presidenti Ilir Meta ka reaguar në lidhje me aferën për portin e Durrësit.
Përmes një konferencë për mediat, Meta kërkoi që qeveria të bëjë të ditur emrat e pronarëve të kompanisë, të cilët janë shpallur investitorë strategjikë.
Sakaq shtoi se kjo është aferë më e rëndë se ajo e inceneratorëve, pasi porti rrezikon të mos të jetë më i shtetit.
“Të bëhen të ditur pronarët e kompanive, porti i Durrësit është pasuri e madhe. Qeveria ka harruar se Kuvendi e kontrollon. Porti nuk do të jetë i shtetit, është afera më e rëndë. Investitori më strategjik është populli shqiptar. Kush hyn në aventura me një njeri të madh, që është në fundin e tij bën gabim të madh. Afera është me e rëndë se ajo e inceneratorëve. Janë marrë shumë detyrime, përfshirë dhe korridoreve evropiane. Rruga e transparencës mund t qetësojë këtë situatë, ndryshe Rama i ka llogaritur keq gabimet për këtë aferë të rrezikshme”, tha ai.
