Gazeta “Bild” ka garantuar, duke konfirmuar zërat e raportuar nga shtypi britanik ditët e fundit, ekzistencën reale të një kontakti mes agjentit Jorge Mendes dhe Borussia Dortmundit për të folur për Cristiano Ronaldon.
Kampioni portugez synon të largohet nga Manchester United për të luajtur në Ligën e Kampionëve, por CEO i klubit të Bundesligës, Hans-Joachim Watzke ka fikur çdo shans në fillim:
“Unë e dua atë si lojtar. Ai është kampion, edhe unë jam i magjepsur qartë nga ideja për ta parë atë të luajë në ‘Signal Iduna Park’, por nuk ka asnjë kontakt mes dy klubeve. Nuk është një mundësi, kështu që ne duhet të ndalojmë së foluri për këtë”.
