Çmimi i gazit në Evropë u rrit sot në mbi 3200 dollarë për 1000 metër kub, për herë të parë që nga 8 marsi i këtij viti, sipas të dhënave nga bursa e Londrës ICE.
Rritja ka shtyrë gjithashtu çmimet e energjisë në të gjithë Evropën në nivele të paprecedentë
Kontrata arriti një çmim rekord prej 315 euro (+ 8%) për megavat orë, duke u vendosur më pas në rreth 310. Rritja ka sjellë gjithashtu çmimet e energjisë në të gjithë kontinentin në nivele të paprecedentë, duke kontribuar në rritjen e kostove për gjithçka, nga prodhimi i zinkut dhe aluminit te plehrat.
Pas pikut të së mërkurës, kur çmimi kishte arritur në 302 euro për megavat orë dhe më pas u stabilizua nën 290, tregjet iu kthyen fibrilimit të enjten. Sipas ekspertëve, ajo që bëri që çmimet të rriteshin sërish ishte, sipas ekspertëve, frika për punët e reja të mirëmbajtjes së gazsjellësit Nord Stream 1: nga programi ndalesa duhet të zgjasë vetëm tre ditë, por nuk përjashtohet që punimet të zgjasin disi shumë më gjatë.
Në të njëjtën kohë, raportojnë analistët, gazsjellësi amerikan Freeport Lng ka shtyrë datën e rifillimit për mesin e nëntorit dhe për këtë arsye vendet që kërkojnë alternativa ndaj gazit rus (sidomos Italia dhe Gjermania) janë në vështirësi.
