Ministria e Shëndetësisë ka bërë publik bilancin e Covid-19 për ditën e sotme, ku janë regjistruar 375 qytetarë të infektuar. Fatkeqësisht një 73-vjeçare humbi betejën me virusin
Njoftimi i Ministrisë së Shëndetësisë:
COVID19/ Ministria e Shëndetësisë: 1285 testime, 375 qytetarë të infektuar, një humbje jete dhe 389 të shëruar në 24 orët e fundit
Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.
Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 1285 testime, nga të cilat kanë rezultuar pozitivë me COVID19, 375 qytetarë, në këto bashki:
121 në Tiranë, 29 në Lushnje, 16 në Durrës, 12 në Vlorë, nga 11 qytetarë në Pogradec, Devoll, nga 10 qytetarë në Krujë, Kamëz, nga 9 qytetarë në Fier, Sarandë, Elbasan, nga 8 qytetarë në Kavajë, Himarë, Gjirokastër, nga 7 qytetarë në Divjakë, Korçë, Maliq, nga 5 qytetarë në Malësi e Madhe, Lezhë, Vorë, Berat, nga 4 qytetarë në Vau i Dejës, Mallakastër, Selenicë, Kolonjë, Kuçovë, nga 3 qytetarë në Shkodër, Shijak, Mat, Roskovec, Tepelenë, Dimal, Skrapar, Belsh, Gramsh, nga 2 qytetarë në Tropojë, Rrogozhinë, Patos, Delvinë, nga 1 qytetar në Pukë, Fushë Arrëz, Kurbin, Dibër, Bulqizë, Libohovë, Memaliaj, Peqin.
Janë 3,689 qytetarë aktivë me Covid19 në të gjithë vendin.
Aktualisht në spitalin COVID3 po marrin trajtim 19 pacientë. Në 24 orët e fundit ka një humbje jete me Sars-Cov2: një qytetare nga Fieri 73 vjeçe.
Ministria e Shëndetësisë dhe Mbrojtjes Sociale i shpreh ngushëllimet familjes.
Janë shëruar 389 qytetarë gjatë 24 orëve të fundit, duke e çuar numrin e të shëruarve në 319,193 që nga fillimi i epidemisë.
Statistika (24 Gusht 2022)
Raste të reja ditore 375
Të shëruar në 24 orë 389
Të shtruar në spitale 19
Humbje jete në 24 orë 1
Testime ditore 1285
Testime totale 1,956,041
Raste pozitive 326,461
Raste të shëruara 319,193
Raste Aktive 3,689
Humbje jete 3,578
Shpërndarja gjeografike e rasteve aktive sipas qarqeve:
Tiranë 1,658
Fier 397
Durrës 282
Vlorë 269
Korçë 252
Elbasan 239
Shkodër 224
Gjirokastër 131
Berat 99
Lezhë 73
Dibër 46
Kukës 19
