Ky është momenti i neveritshëm kur një veteran pro-Putinit, shfaqet në skenë duke mbajtur në dorë kafkën e një ushtari të vrarë ukrainas, duke kërcënuar se ky vend do të harrohet nga e tërë bota.
Igor Mangushev, 36 vjeç, mbante atë që thotë se ishte kafka e një luftëtari të regjimentit Azov që është vrarë në Mariupol në juglindje të Ukrainës, ndërsa me krenari e shfaqte para turmës.
“Pse atje nuk mund të ketë çfarëdo ribashkimi. Ukraina duhet të deukrainizohet. Tokat ruse të Novorossiya duhet të rikthehen. Ne nuk jemi në luftë me njerëzit nga gjaku dhe mishi. Jemi në luftë me idenë – Ukraina është një shtet kundër Rusisë”, tha veterani i Putinit.
E ndërsa mbante kafkën në dorë ai është cituar nga Astra media duke thënë: “Ne jemi gjallë e ky ushtar është i vdekur. Le të digjet në ferr. Nuk ishte me fat. Me kafkën e tij do të bëjmë një gotë”.
Në kanalin e tij në Telegram, Mangushev haptazi bën thirrje për vrasjen e civilëve ukrainas, duke theksuar “do të djegim shtëpitë tuaja, familjet, merrni fëmijët dhe largohuni ose duhet t’i rrisni si rusë”.
Mangushev lufton kundër Ukrainës, por gjithashtu është në krye të lëvizjes nacionaliste Drita e Rusisë, dhe njëherazi kreator i ushtrisë private ENOT që ka lidhje me FSB-në e Putinit.
