- Të qënit materialist
Njerëzit që e kanë shumë të theksuar tendencën për të qenë materialistë- që nuk janë bujarë apo kanë zili të tjerët- tregojnë se në ëndrrat e tyre ka shumë ngjarje që lidhen me pasigurinë, vdekjen, rrëzimin, etj. Ata shohin shpesh edhe konflikte romantike apo në familje, gjë që vjen si pasojë e frikërave që kanë dhe lidhet me vetëbesimin e ulët.
- Introvert/Ekstrovert
Nëse shumicën e netëve ti sheh ëndrra, me shumë gjasa je njeri introvert-që do të thotë se ke tendencën të ndihesh i mbytur nga situatat shumë sociale. Nga ana tjetër ekstraversët, (që marrin energji dhe frymëzohen nga gjërat sociale kanë tendencën të shohin në ëndrra personazhe femra.
- Qëndrueshmëria emocionale
Nëse shihni shumë ëndrra që ndodhin jashtë, në vende të hapura, tregon se jeni mjaftueshëm të qëndrueshëm emocionalisht, që do të thotë nuk keni tendencën të mbingarkoheni me emocione negative.
- Të hapur ndaj eksperiencave të reja
Nëse shihni shpesh sikur fluturoni në ëndërr, do të thotë se jeni të hapur për gjëra të reja në jetë. Përveç kësaj, ata që janë të hapur ndaj mundësive kanë tendencën të shohin në ëndrra shpesh njerëz që s’i njohin fare, duke qenë se në trurin e tyre dyert për gjëra të reja janë gjithmonë të hapura.
- Dakordësia
Njerëzit që shohin ëndrra që përfshijnë shumë njerëz, janë përgjithësisht tipa të shoqërueshëm me të cilët mund të biesh dakord lehtësisht. Me shumë gjasa, në ëndrrat e tyre ata nuk janë personazhi kryesor dhe janë gjithmonë gati të ndihmojnë të tjerët të shkëlqejnë
