Pas dy vitesh pauze për shkak të Covid-it, rikthehet “Tomatina”, beteja goliardike me domatet e pjekura që festohet në Spanjë, në rrugët e Bunolit, pranë Valencias, të mërkurën e fundit të gushtit.
130 ton domate u shkarkuan nga gjashtë kamionë dhe u hodhën për më shumë se një orë nga të gjithë kundër të gjithëve – rreth 15 mijë pjesëmarrës – duke e ngjyrosur të gjithë qytetin të kuq.
Festivali tradicional, që tërheq çdo vit e më shumë turistë, nisi rastësisht në vitet ’40, kur një grup miqsh, duke bërë shaka me njëri-tjetrin, filluan të hidhnin domate në sheshin kryesor të qytetit. Në vitin 2002 u shpall festë me interes turistik.
