Keni ëndërruar nnonjëherë të jetoni në një një ishull me diell dhe plot bukuri natyrore me plazhe me rërë, qiell blu dhe detin e kaltër.
Epo tani është shansi juaj sepse jo vetem që mund të zhvendoseni por edhe mund të shpërbleheni që të jetoni në një vend të tillë.
Sardenja Ishulli italian – i dyti më i madhi në Mesdhe po u ofron njerëzve një shumë prej 15,000 € për t’u zhvendosur.
Ishulli kohëve të fundit po përballet me rënien e numrit të popullsisë, pasi të rinjtë vendas lëvizin jashtë vendit për punë. Popullsia e Italisë po plaket. Mosha mesatare e italianëve është 45.7 vjeç – një shifër që pritet të rritet në 50.7 deri në vitin 2050.
Për të luftuar këtë eksod, qeveria ka ndarë 45 milionë euro për grantin e zhvendosjes, të mjaftueshme për të mbuluar 3000 grante.
Paratë e grantit tingëllojnë shumë të mira për të qenë të vërteta, por ja cilat janë kushtet që duhet të plotësoni.
Për t’u kualifikuar për grantin, do t’ju duhet të zhvendoseni në një komunë në Sardenjë me një popullsi prej më pak se 3,000 njerëz.
Paratë duhet të përdoren gjithashtu për të blerë ose rinovuar një shtëpi. Granti nuk mund të kalojë gjysmën e kostos totale të shtëpisë ose rinovimit – dhe qeveria nuk do të dorëzojë të gjithë shumën prej 15,000 € njëherësh.
Në fund, marrësit duhet të jetojnë në pronën e re me kohë të plotë dhe duhet të regjistrohen për qëndrim të përhershëm në Sardenjë brenda 18 muajve nga mbërritja.
Popullsia e përgjithshme parashikohet të bjerë me gati 20 përqind deri në vitin 2070, nga 59.55 milion 47.6 milion në 2070.
Problemi është veçanërisht i rëndë në zonat rurale të vendit – dhe vende si Sardenja po ndjejnë djegien.
Presidenti i Sardenjës, Christian Solinas tha se skema do të inkurajonte të rinjtë të qëndronin në Sardenjë ose të zhvendoseshin në ishull.
Nëse lëvizni në ishull, mund të prisni të jeni atje për një kohë të gjatë akoma. Me më shumë se 500 njerëz të moshës mbi 100 vjeç, Sardenja ka një nga përqendrimet më të larta të njëqindvjeçarëve në botë – afërsisht 33 për çdo 100,000 banorë.
