Administrata Amerikane e Ushqimit dhe Barnave (FDA) miratoi të mërkurën përdorimin e vaksinave përforcuese të modifikuara nga këto kompani.
Nis përdorimi i vaksinave përforcuese të modifikuara kundër COVID-19 nga kompanitë “Moderna” dhe “Pfizer BionTech”, të cilat përfshijnë shtamin Omicron.
Vaksina nga “Moderna” është miratuar për personat mbi 18 vjeç dhe ajo e Pfizer për personat mbi 12 vjeç, të paktën dy muaj pas vaksinimit primar ose përforcuesit më të fundit.
Të ashtuquajturat “vaksinat bivalente” përfshijnë shtamin bazë të COVID-19, si dhe nënvariantet BA.4 dhe BA.5, të cilat aktualisht janë dominuese dhe lehtësisht të transmetueshme, shkruan Zëri i Amerikës.
Një bord këshillues i Qendrave të SHBA-së për Kontrollin dhe Parandalimin e Sëmundjeve (CDC) do të takohet ditën e enjte për të vendosur mbi rekomandimet për nxitësit e modifikuar.
105 milionë doza të vaksinës së modifikuar të Pfizer dhe 66 milionë doza Moderna, ka siguruar deri më tani qeveria amerikane, për të shmangur efektet e një vale të re të mundshme të infeksioneve.
