Partia Socialiste e Shqipërisë e drejtuar nga kryeministri Edi Rama është akuzuar nga mediat spanjolle graffica.info në një artikull të botuar së fundmi për plagjiaturë. PS akuzohet se ka “kopjuar” logon e PSOE, të krijuar nga skulptori, stilisti dhe piktori i njohur Cruz Novillo.
“Logoja PSOE e Cruz Novillo është bërë temë diskutimi. Në Shqipëri, partia socialiste e vendit po përdor krijimtarinë ikonë të stilistit spanjoll pa pëlqimin zyrtar të PSOE. Nga forca e Pedro Sánchez-it ata e kanë siguruar Gràffica-n se nuk janë në dijeni të transferimit të të drejtave; Tani mbetet për t’u parë nëse do të ndërmarrin veprime ligjore”, shkruan media spanjolle.
Më tej është nënvizuar se nga PSOE e drejtuar aktualisht nga kryeministri Pedro Sançez kanë sqaruar se “edhe pse logoja është qartazi grushti dhe trëndafili i Cruz Novillo, ngjyra që kanë përdorur nuk është e njëjtë”.
Artikulli
Siç shihet në faqen e saj, ngjyra zyrtare e Partisë Socialiste të Shqipërisë është vjollca dhe përdoret në shumicën dërrmuese të grafikave të saj.
Ishte viti 1977 kur politikani socialist Guillermo Galeote porositi Pepe Cruz Novillo të hartonte një logo për PSOE. Më shumë se dyzet vjet më vonë, simboli ikonë i kësaj partie spanjolle, i përbërë nga një dorë që mban një trëndafil, vazhdon të jetë një nga logot më përfaqësuese në historinë politike spanjolle.
Cruz Novillo e projektoi këtë logo për PSOE në 1977. E drejta e autorit të logos, e cila i përket PSOE, menaxhohej përmes një kontrate tashmë të mjegulluar nga kalimi i kohës.
