Policia e Tiranës ka arrestuar 4 persona ditën e sotme në Tiranë. Një 44-vjeçar është arrestuar, pasi ka kanosur me fjalë një punonjës policie, për motive të dobëta.
Po ashtu një 49-vjeçar, është ndaluar në kryeqytet, pasi ka kanosur me fjalë një punonjës policie, për motive të dobëta. Ndërkohë një 26-vjeçar është prangosur, pasi ka thyer masën e sigurisë.
Gjithashtu në prangat e bluve të kryeqytetit ra një 49-vjeçar, pasi ka tentuar të vjedhë disa sende në një biznes
Njoftimi i policisë:
Specialistët për Hetimin e Krimeve në Komisariatin e Policisë Nr. 1 arrestuan shtetasin L. D., 44 vjeç, banues në Tiranë, pasi ka ushtruar dhunë ndaj nënës së tij.
Specialistët për Hetimin e Krimeve në Komisariatin e Policisë Nr. 2 ndaluan shtetasin O. A., 49 vjeç, banues në Lushnjë, pasi ka kanosur me fjalë një punonjës policie, për motive të dobëta.
Gjithashtu, specialistët për Hetimin e Krimeve në Komisariatin e Policisë Nr. 2 arrestuan shtetasin R. Sh., 26 vjeç, për veprën penale “Largimi i të burgosurit nga vendi i qëndrimit”, pasi ka shkelur masën e sigurisë “Arrest në shtëpi”, duke dalë jashtë banesës.
Specialistët për Hetimin e Krimeve në Komisariatin e Policisë Nr. 3 arrestuan shtetasin B. S., 49 vjeç, banues në Tiranë, pasi ka tentuar të vjedhë disa sende në një biznes.
