Shpesh keni vënë re se trupi juaj ndihet i lodhur dhe nuk keni energji për të kryer aktivitetet e ditës. Ne ju njohim me disa këshilla që duhet të ndiqni për ta ndryshuar këtë.
Kaloni më shumë kohë në diell
Mungesa e dritës do të thotë që truri juaj prodhon më shumë një hormon të quajtur melatonin, i cili ju bën të jeni të përgjumur. Për të rregulluar nivelet e melatoninës, kaloni sa më shumë kohë që të mundeni jashtë në dritën e diellit dhe sigurohuni që grilat të jenë të hapura nëse jeni ulur pranë një dritareje gjatë punës.
Mbani një dietë të ekuilibruar
Ndërsa është ende ftohtë, ne kërkojmë më shumë ushqime që në përmbajtje kanë niseshte si: makaronat, patatet dhe buka. Megjithatë, do të keni më shumë energji nëse përfshini shumë fruta dhe perime në vaktet tuaja. Është gjithashtu e rëndësishme që të merrni më shumë vitaminë D, pasi trupi nuk është në gjendje të prodhojë mjaftueshëm në këtë periudhë të vitit.
Lëvizni
Kur jeni të lodhur dhe ju mungon energjia, ndoshta gjëja e fundit që dëshironi të bëni është të dilni në të ftohtë. Por mund të habiteni se sa energjikë do të ndiheni pasi kryeni një lloj aktiviteti fizik. Nëse jashtë është shumë ftohtë ose nuk ju pëlqen të vraponi në errësirë, përpiquni të stërviteni në shtëpi.
Kushtojini rëndësi gjumit
Gjumi i mjaftueshëm është jetik për të luftuar lodhjen. Mundohuni të flini rreth 8 orë dhe përpiquni të shkoni në shtrat dhe të ngriheni në të njëjtën kohë çdo ditë. Sigurohuni që dhoma juaj e gjumit t’ju ndihmojë të ndiheni të relaksuar, pastroni rrëmujën dhe fikni telefonin ose televizorin.
Relaksohuni
A ndiheni të stresuar gjatë ditës? Nëse po, ky stres mund të kontribuojë në lodhjen e vazhdueshme. Shumë njerëz thonë se meditimi, joga, ushtrimet e frymëmarrjes ose teknikave të vëmendjes i ndihmon ata të qetësohen dhe të ndihen më të relaksuar.
