Të afërm dhe miq i dhanë lamtumirën e fundit aktores së madhe me origjinë shqiptare, Irina Papas, në Kishën e Shenjtë të Agios Georgios në Kiliomodi, Korinthia.
Ajo do të varroset në varrezat e fshatit, pranë prindërve të saj të dashur. Familja e saj kërkon që në vend të kurorave, paratë t’i ndahen fondacionit “Theotokos” për mbështetjen e fëmijëve me nevoja të veçanta ose Shtëpisë së Aktorit.
Katër nipat e saj janë aty për “lamtumirën e fundit”: Manousos Manousakis, djali i motrës së Despinës, aktori Aias Manthopoulos, djali i motrës Evangelia, Melia dhe Kassios.
