Një ngjarje anormale raportohet të ketë ndodhur në Greqi, ku një shqiptar 40 vjeç, është arrestuar pasi dhunoi gruan e tij. Shkak i kësaj ngjarjeje dyshohet të jenë punët e shtëpisë, pasi bashkëshortja nuk i kishte bërë ato.
Sipas mediave greke, dhuna në familje ka ndodhur më 16 shtator në Volos. Ishte fqinji i tij personi që njoftoi menjëherë Policinë sapo dëgjoi thirrjet për ndihmë të gruas.
Në momentin kur Policia mbërriti në shtëpi, bashkëshortja e tij është ankuar se i shoqi ka ardhur në shtëpi i dehur, i ka bërtitur dhe më pas e ka rrahur. Raportohet se ai e goditi me grusht dhe më pas e kapi nga krahu dhe u përpoq t’i thyente kyçin e dorës. Prej shumë vitesh është viktimë e dhunës në familje, por siç ka përmendur, i pranon këto sjellje dhe nuk flet dhe as nuk e kishte denoncuar më parë të shoqin. Mirëpo pardje ajo u frikësua shumë dhe u largua menjëherë nga shtëpia duke marrë me vete fëmijën e tyre.
Por, 40-vjeçari, i paidentifikuar për mediat greke, tha se ka pasur vetëm një moment tensioni sepse gruaja e tij nuk e kishte pastruar shtëpinë. Tashmë ai është arrestuar për dhunë në familje dhe do të dalë para Gjykatës për t’u njohur me dënimin e tij.
