Federata Portugeze e Futbollit njoftoi këtë të mërkurë largimin e Pepes nga kombëtarja me urdhër të trajnerit Fernando Santos. Qendërmbrojtësi i FC Portos u konsiderua i papërshtatshëm për ndeshjet e radhës.
Pepe kishte munguar në ndeshjen mes Porto dhe Estoril (1-1) dhe kishte humbur dy seancat e para stërvitore të kombëtares në Cidade do Futebol. Mbrojtësi që ka luajtur në 128 ndeshje për luzitanët, ishte titullar në katër ndeshjet e Nations League, të zhvilluara në qershor, duke përfunduar të gjitha ato.
Pepe është kështu lojtari i tretë që mungon në formacionin fillestar të Fernando Santos për duelet me Republikën Çeke (24 shtator) dhe Spanjën (27): Raphael Guerreiro (Dortmund) i dëmtuar, i la vendin Mário Rui (Napoli); Rafa Silva (Benfica) i dha fund karrierës së tij ndërkombëtare dhe u zëvendësua nga Gonçalo Ramos (Benfica) dhe tani Pepe (FC Porto).
