“Një marrëveshje me palestinezët, e bazuar në dy shtete për dy popuj, është gjëja e duhur. Për sa kohë që shteti palestinez është paqësor dhe nuk bëhet një bazë terrori që kërcënon Izraelin”.
Deklarata është vërtet “historike”, e pritur me dekada. Në fjalimin e tij në Asamblenë e Përgjithshme të OKB-së, kryeministri izraelit Yair Lapid tha se ai ishte në favor të një zgjidhjeje me dy shtete në konfliktin me palestinezët, me kusht që shteti palestinez të jetë “paqësor” dhe nuk bëhet “bazë terrori që kërcënon vendin tonë”.
“Izraeli – shtoi Lapid – është gati të heqë kufizimet në Gaza nesër në mëngjes dhe të ndihmojë në ndërtimin e ekonomisë së tij”.
“Një marrëveshje me palestinezët, e bazuar në dy shtete për dy popuj, është gjëja e duhur për sigurinë e Izraelit, për ekonominë e Izraelit dhe për të ardhmen e fëmijëve tanë”, tha Lapid, duke folur në Asamblenë e Përgjithshme të Kombeve të Bashkuara. . Kryeministri tha se shumica e izraelitëve mbështesin një zgjidhje me dy shtete. “Unë jam njëri prej tyre”, shtoi ai.
