Kryetari i Partisë Demokratike, Sali Berisha ka folur për protestat “e premtuara” në shtator dhe për mos zhvillimin e tyre.
Në një komunikim me qytetarët në ‘Facebook’, Berisha tha se me qeverisjen e Edi Ramës, shtresa e varfër është më e dëmtuara dhe se shumë shpejt do të nisin sërish protestat. Më tej, ai shton se, protestat dhe grevat e gjithanshme do të rikthejnë shpresën dhe votën e lirë në Shqipri.
“Polarizmi në këtë vend po rritet me shpejtësi dhe shtresa e mesme po shkon drejtë asgjësimit, të varfrit po bëhen gjithnjë e më të varfër. Rama votat nuk e pranon dhe gjithë ky zhvillim dramatik, kjo përmbysje në përbërjen e shtresa të shoqërisë ka mospranimin dhe dhunim e votës nga Edi Rama. Protestat do fillojnë shumë shpejt. Mund të jenë shty, por edhe shtytja e tyre bëhet për shumë aspekte e padurueshme, protestat dhe grevat e gjithanshme do jenë rrugët për të rikthyer në Shqipëri, shpresën, votën e lirë dhe për të dalë nga regjimi autoritar”, tha Berisha.
