Policia e Kukësit ka arrestuar një 41-vjeçar pasi ky iu bind urdhërit të Policisë së Kosovës, dhe më pas u largua me shpejtësi, me automjet, në drejtim të Shqipërisë, duke mos ndaluar as në kufi.
Policia thekson se nga kontrollet e ushtruara në automjetin që drejtonte i ndaluari, nuk u konstatua asnjë send i kundërligjshëm.
42-vjeçari do të akuzohet për veprat penale penale “Mosbindja ndaj urdhrit të punonjësit të Policisë së rendit publik”, “Kundërshtimi i punonjësit të Policisë së rendit publik” dhe “Kalimi i paligjshëm i kufirit shtetëror”.
Njoftimi i Policisë:
Nuk ndaloi pas urdhrit të Policisë së Kosovës, por u largua me shpejtësi, me automjet, në drejtim të Shqipërisë, duke mos ndaluar as në kufi, kapet dhe vihet në pranga 41-vjeçari.
Gjatë kontrollit të imtësishëm që shërbimet e Policisë ushtruan në automjetin që drejtonte i ndaluari, nuk u konstatua asnjë send i kundërligjshëm.
Në përfundim të veprimeve, u arrestua shtetasi S. Sh., 41 vjeç, banues në fshatin Bardhoc, për veprat penale “Mosbindja ndaj urdhrit të punonjësit të Policisë së rendit publik”, “Kundërshtimi i punonjësit të Policisë së rendit publik” dhe “Kalimi i paligjshëm i kufirit shtetëror”.
Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
