Dashi
Gjatë kësaj dite do dini t’i menaxhoni më mirë emocionet dhe do keni më tepër besim tek vetja. Për ju që keni një lidhje do ndodhin ndryshime të njëpasnjëshme. Përgatituni për emocione të forta si kurrë ndonjëherë më parë. Edhe për ju beqarët do jetë një ditë e begatë dhe do mund të realizoni takimet që keni ëndërruar prej kohësh. Zemra do jetë më e qetë dhe më e gëzuar. Në punë organizimi do ju çojë drejt suksesit. Do jeni shumë të kujdesshëm me çdo gjë dhe nuk do i lini asgjë rastësisë. Financat do mbeten të kënaqshme. Shfrytëzojeni rastin për të paguar faturat e muajit sepse më vonë do e keni më të vështirë.
Demi
Hëna do ua bëjë ditën më të veçantë sot. Do bini në sy për shumë gjëra dhe të gjithë do ju marrin shembull. Për ju të dashuruarit e sotmja do jetë pasionante. Do përjetoni vetëm emocione pozitive dhe do doni që dita të mos ketë një fund. Ju beqarët do shkëlqeni dhe do merrni propozime pa fund. Meqë do iu jepet mundësia mund të bëni seleksionime e zgjidhni personin e duhur. Në punë nuk do jetë e nevojshme të bëni shumë përpjekje për të shkëlqyer. Do jeni të zotët dhe të gjithë do ju kërkojnë këshilla. Me shpenzimet duhet të tregoheni sa më strikte sepse nesër mund të gjendeni në një situatë të vështirë.
Binjakët
Gjatë kësaj dite duhet të bëni një bilanc të jetës tuaj dhe të merrni disa masa. Ju të dashuruarit do merreni vesh për çdo gjë më partnerin tuaj dhe mes jush nuk do lindë asnjë lloj mosmarrëveshjeje. Pasditja dhe mbrëmja ka për të qenë edhe më emocionuese. Ju beqarët do keni më tepër besim tek vetja dhe me pak mundim do arrini ta bëni për vete atë që do pëlqeni. Në punë bashkëpunëtorët do ju bëjnë të reflektoni dhe të merrni përgjegjësi për veprimet tuaja. Do e vlerësoni edhe më shumë veten tashmë. Financat kanë për të qenë gjatë gjithë kohës të qëndrueshme dhe nuk do ju sjellin probleme.
Gaforrja
Gjatë kësaj dite nuk do keni më kundërshtime si më parë nga ata që ju rrethojnë dhe do ndiheni më të gatshëm për të ndërmarrë iniciativa. Disa planetë do e mbrojnë jetën tuaj në çift nga çdo rrezik i jashtëm, por disa të tjerë do mundohen t’ua prishin harmoninë. Tregohuni shumë të kujdesshëm dhe mos u nxitoni për asgjë. Ju beqarët duhet ta lënë veten të lirë edhe sikur t’iu jepet mundësia për takime. Gjithçka do ndodhë ashtu si është planifikuar. Nëse iu duhet të filloni projekte të reja në pune, do ia arrini më së miri qëllimit. Nuk do keni as vonesa dhe as pengesa. Në planin financiar tregohuni vigjilentë dhe mos shpenzoni kuturu sepse keni për të mbetur pa para në xhep.
Luani
Tregohuni të sinqertë gjatë kësaj dite dhe nuk keni për t’u penduar kurrë. Mund të fillojnë të realizohen edhe disa nga ëndrrat tuaja. Nëse jeni në një lidhje dhe doni që gjërat të shkojnë mirë me partnerin, duhet t’i shprehni më shumë ndjenjat. Edhe nëse keni pasur mosmarrëveshje mund ta përmirësoni situatën po shtuat dozat e komunikimit. Ju beqarët do jeni sensualë dhe do e bëni shumë shpejt për vete personin që keni pëlqyer prej kohësh. Në planin profesional do i kaloni një nga një pengesat dhe do ndiheni më të sigurt për hapat që duhet të hidhni. Bravo për këmbënguljen. Situata financiare do fillojë të përmirësohet dalëngadalë.
Virgjëresha
Sot mirë është të ecni me plane dhe prioritete sepse nuk do keni shumë kohë që të merreni më shumë gjëra. Nëse keni një lidhje asnjë planet nuk do ketë ndikim të madh tek jeta juaj kështu që vijimësia mes jush do varet nga sjellja e të dyve. Mundohuni të mos mendoni vetëm për veten sepse mund ta lëndoni atë që keni në krah. Ju beqarët do pranoni një propozim që iu është bërë kohët e fundit dhe jeta do ju ndryshojë. Në punë do fryjë një fllad ndryshimi dhe do ndiheni më të plotësuar se më parë. Shefat do ju vlerësojnë më tepër. Financat për fatin tuaj të mire do përmirësohen goxha dhe do ndiheni të lumtur për këtë gjë.
Peshorja
Mundohuni të gjeni mënyrën e duhur për ta përballuar stresin gjatë kësaj dite sepse gjërat do bëhen gjithnjë e më të vështira. Nëse keni një lidhje jeta juaj nuk do jetë aspak e privilegjuar. Debatet do jenë herë pas here të forta dhe do këmbëngulni gjithë kohës qe të dalë e juaja. Ju beqarët do joshni disa persona në punë dhe ata gjithashtu do flirtojnë me ju. Shumë shpejt do ndodhin gjërat e shumëpritura. Në punë shpesh do keni përshtypjen sikur të gjithë do tallen me ju dhe kjo do ju pengojë të ecni përpara. Në planin financiar mundohuni vetëm të shpenzoni më pak dhe asgjë e keqe nuk do ju ndodhë.
Akrepi
Hëna dhe Neptuni do ju drejtojnë sot drejt rrugës së duhur. Nuk do jeni më pasivë si dikur. Nëse keni një lidhje në përgjithësi jeta juaj do jetë e mirë dhe pa probleme. Do ndiheni për mrekulli me njëri-tjetrin dhe nuk do keni për çfarë të qaheni. Ju beqarët gjithashtu keni për të pasur një ditë me fat dhe do e gjeni princin tuaj të kaltër. Në punë do bëni mirë të verifikoni çdo gjë para se të veproni sepse përndryshe mund të futeni në telashe. Buxheti do jetë i mirë, por nëse tregoheni edhe më të kujdesshëm dhe menaxhoni çdo gjë me kujdes, situata ka për të qenë edhe më e mirë.
Shigjetari
Gjatë kësaj dite mirë është të bëni një bilanc të atyre që keni kaluar dhe keni për t’u ndier edhe vetë më qetë. Nëse jeni në një lidhje jeta juaj do jetë e qetë dhe pa asnjë problem. Ka gjasa që partneri t’iu përgatisë një surprizë të madhe, e cila do iu bëjë të ndiheni si në ëndërr. Venusi do iu ndihmojë ju beqarëve të keni takime të veçanta dhe shumë shpejt të krijoni lidhje me personat që do takoni. Në punë do iu jepet mundësia të bashkëpunoni me disa kolegë të zotët. Do arrini shumë shpejt objektivin e duhur. Në planin financiar do iu ndihmojë së tepërmi një i afërm. Nuk do jetë ditë e keqe kështu që qetësohuni.
Bricjapi
Gjatë gjithë kësaj dite mund t’iu dalin edhe pengesa, por nuk duhet të dorëzoheni asnjëherë. Nga ana tjetër ecni gjithmonë me planifikim dhe nuk do gaboni. Perspektivat për ju të dashuruarit do jenë të mira. Bashkëpunimi dhe komunikimi do vazhdojnë të jenë të forta. Mundësitë për aventura do jenë të shumta për ju beqarët. Shfrytëzojini nëse dëshironi ose prisni edhe disa ditë nëse keni ëndërruar dashurinë e madhe. Në planin profesional do arrini shpejt atë që keni dëshiruar. Shefat do ua njohin meritat dhe mund të merrni edhe shpërblime. Për të arritur qëndrueshmërinë financiar duhet më tepër organizim dhe maturi me shpenzimet.
Ujori
Gjatë kësaj dite keni për të përjetuar akoma më shumë emocionet dhe do jeni më të sigurt në vetvete. Mos harroni të ndani çdo gëzim me personat që keni pranë. Pas disa ditëve jo shumë të përshtatshme për jetën në çift do arrini të vendosni komunikimin me partnerin. Do i kushtoni më shumë kohë atij dhe do ndiheni më mirë. Ju beqarët do jeni tërheqës dhe magnetikë. Do arrini të bëni për vete cilindo që do iu pëlqejë. Në punë do iu kërkohet më shumë nga sa keni dhënë dhe kjo mund t’iu nervozojë. Bëni aq sa keni mundësi dhe mos i tejkaloni kufijtë. Mjedisi planetar do iu influencojë pozitivisht financat. Ju do jeni më të qartë për ato që duhet të bëni.
Peshqit
Asgjë nuk do jetë e lehtë gjatë kësaj dite kështu që duhet të dyfishoni përpjekjet. Për ji të dashuruarit e sotmja do jetë shumë e paqëndrueshme. Herë do dashuroheni me pasion të nxitur nga Venusi e herë do debatoni me agresivitet të ndikuar nga Plutoni. Ju beqarët duhet të tregoheni tej mase të kujdesshëm pasi personat që do ju afrohen nuk do jenë aspak të përshtatshëm për të kaluar jetën. Në punë do ju duhet të ndryshoni rrënjësisht mënyrën e të vepruarit që t’ia dilni mbanë. Gjërat nuk do jenë të lehta nëse qëndroni në një vend. Në planin financiar do keni disa tronditje të vogla për shkak të shpenzimeve të domosdoshme që duhet të kryeni.
