“Air Albania” u bë dëshmitar i një ngjarje të pa precedentë si anjëherë tjetër. Tifozët kuqezi, grupimi ultras më i famshëm i Kombëtares, refuzoi në mënyrë publike, demonstrative ndjesën e lojtarëve pas ndeshjes kundër Islandës. Jo vetëm kaq, por refuzuan gjithashtu fanellat e lojtarëve.
Këto janë pamje që nuk jemi mësuar t’i shohim por, në të njëjtën kohë janë pamje që tregojnë qartë mllefin e madh të tifozëve, dukshëm jo të kënaqur me sjelljen e lojtarëve, me atë që kanë dhënë në fushë këtë periudhë.
Përpara këtij momenti, TKZ shpalosën edhe një banderolë me një mesazh të qartë: “Kombëtarja e shqiptarëve, jo e mercenarëve”.
