Kreu i PL, Ilir Meta ka reaguar në lidhje me Ditën Ndërkombëtare të të Drejtës për Informimit.
Përmes një postimi në ‘Facebook’, Meta shkruan se kjo ditë thekson rëndësinë jetike për demokracinë dhe llogaridhënien.
Sakaq thekson se në Shqipëri vendimmarrjet merren në fshehtësi dhe errësirë të plotë.
Postimi i plotë:
28 Shtatori, Dita Ndërkombëtare e Të Drejtës për Informim thekson rëndësinë jetike për demokracinë, të së drejtës së qytetarëve për t’u informuar dhe detyrimit të Qeverisë dhe çdo institucioni për të qenë transparent dhe llogaridhënës.
Për fat të keq, në Shqipëri vendimmarrjet e rëndësishme të Qeverisë, që lidhen me interesin publik merren në fshehtësi dhe errësirë të plotë në funksion të interesave korruptive të saj, ashtu siç ajo bëri me inceneratorët, koncensionet dhe tenderat sekretë.
Propaganda autokratike nuk mund të cënojë të drejtën kushtetuese për informim dhe askush nuk mund t’i shpëtojë detyrimit për të qenë transparent dhe llogaridhënës. ✌️??
