Raketat ruse goditën një zonë banimi në qytetin lindor të Dnipro gjatë natës dhe tre civilë, duke përfshirë një fëmijë, u vranë dhe pesë u plagosën. Kjo u njoftua nga kreu i administratës ushtarake rajonale të Dnipropetrovsk, Valenyn Reznichenko, cituar nga Ukrinform.
“Rusët goditën me raketa Dnipro gjatë natës, duke synuar zonat e banuara. Për momentin, tre civilë janë raportuar të vrarë, duke përfshirë një fëmijë. Pesë janë plagosur, duke përfshirë një vajzë 12-vjeçare”, shkroi Reznichenko. Ekipet e shpëtimit po pastrojnë rrënojat ku mund të jenë persona të tjerë.
