Kantautori britanik Ed Sheeran duhet të përballet me një gjyq në SHBA për pretendimet se ka kopjuar hitin e tij të vitit 2014 “Thinking Out Loud” nga klasikja e Marvin Gaye e vitit 1973 “Let’s Get It On”. Gjykatësi i qarkut amerikan Louis Stanton në Manhattan mohoi ofertën e Sheeran për të hedhur poshtë padinë për shkeljen e të drejtave të autorit, duke thënë se një juri duhet të vendosë nëse dy këngët janë të ngjashme.
Lëvizja vjen pasi Sheeran bashkë me kantautorët e tij u shpërblyen me më shumë se 900,000 £ në kosto ligjore në qershor, pasi fituan gjyqin e tyre në Gjykatën e Lartë në Mbretërinë e Bashkuar për të drejtat e autorit për hitin Shape of Year.
Të enjten, gjykatësi Stanton tha se Sheeran tani duhet të përballet me gjyqin në SHBA mes pretendimeve se Thinking Out Loud është kopjuar nga Let’s Get It On e Gaye. Padia për shkeljen e të drejtave të autorit fillimisht u ngrit në vitin 2018 – jo nga familja e Gaye, por nga Structured Asset Sales LLC, e cila zotëron një pjesë të pasurisë së bashkë-shkrimtarit Ed Townsend.
Structured Asset Sales (SAS) po kërkon 100 milionë dollarë dëmshpërblim ndërsa pretendon se Sheeran dhe bashkë-shkrimtarja e tij Amy Wadge kopjuan dhe shfrytëzuan, pa autorizim ose kredi’ këngën Gaye, ‘duke përfshirë por pa u kufizuar në melodinë, ritmet, harmonitë, bateritë, linja bas, refreni mbështetës, tempo, sinkopim dhe looping’.
