Beyonce është një ndër artistet me famë botërore dhe me një karrierë të suksesshme prej vitesh. Pas Valdrin Sahitit, artistja e njohur është veshur nga një stiliste e shqiptare. Bëhet fjalë për Lena Berishën, por më mirë shikoni vetë fustanin e jashtëzakonshëm që është në trupin e Beyonce.
Fituesja e ‘Grammy-t’ ndryshoi një rresht në një këngë të “Renaissance”, albumi i saj i parë solo që nga viti 2016 , për shkak se teksti është kritikuar dhe quajtur ofendues nga fansat në rrjet.
Ndërsa ka pasur shumë reagime pozitive rreth publikimit të albumit, kënga “Heated” përmban fjalën “spaz” gjatë një vargu në të cilin Beyoncé këndon: “Spazzin’ on that ass, spazz on that ass”. Në fushën e mjekësisë, “spastik” i referohet një paaftësie që e bën të vështirë për njerëzit të kontrollojnë muskujt e tyre, veçanërisht krahët dhe këmbët.
Skuadra e Beyonce konfirmoi për “E!News” se teksti i këngës do të ndryshohet duke shkruar: “Fjala nuk është përdorur qëllimisht në mënyrë të dëmshme, do të zëvendësohet”.
‘The Guardian’ publikoi një artikull në të cilin autorja Hannah Diviney reagoi kundër teksteve. “Angazhimi i Beyonce për të treguar histori muzikore dhe vizualisht është i pashembullt, siç është fuqia e saj për t’i kushtuar vëmendje botës, betejave dhe përvojës së gjallë të të qenit një grua me ngjyrë”,- shkroi ajo. “Por kjo nuk e justifikon përdorimin e gjuhës ofenduese.”
