Një vjedhje e pazakontë ka ndodhur në Kamzë. Policia ka vënë në pranga 5 të rinj, pasi ditën e djeshme, kanë vjedhur dy lopë në pronësi të Universitetit Bujqësor Tiranë.
Po ashtu Policia thekson se po punohet për dokumentimin e vjedhjeve të tjera që mund të jenë kryer nga këta shtetas.
Njoftimi i Policisë:
Arrestohen në flagrancë 5 shtetas, bashkëpunëtorë në vjedhje.
Sekuestrohet një automjet që dyshohet se është përdorur nga të arrestuarit, për vjedhje.
Specialistët për Hetimin e Krimeve të Komisariatit të Policisë Nr. 5 arrestuan në flagrancë shtetasit:
– F. D., 26 vjeç, F. H., 22 vjeç, H. Xh., 20 vjeç, D. B., 17 vjeç dhe L. T., 16 vjeç, për veprën penale “Vjedhja”, kryer në bashkëpunim.
Këta shtetas, ditën e djeshme, kanë vjedhur dy bagëti të trasha, në fermën didaktike, në pronësi të Universitetit Bujqësor Tiranë.
Punohet për dokumentimin e vjedhjeve të tjera që mund të jenë kryer nga këta shtetas.
Materialet i kaluan Prokurorisë, për veprime të mëtejshme procedurale.
