Të dyja u kualifikuan për në finalen e konkursit të bukurisë Miss Grand International në Xhakartë. Dhe organizatorët i vendosën së bashku në dhomë. Por të dyja Olga Vasiliv dhe Ekaterina Astashenkova, janë përkatësisht ukrainase dhe ruse. Dhe në fakt Olga, e cila përfaqëson Kievin, protestoi menjëherë me një postim në Instagram: “Nuk dua të rri në një dhomë me një grua nga një vend terrorist”, që vjen nga “ajo copëz e neveritshme e planetit tonë të bukur, Rusisë”.
Fjalët e saj bënë menjëherë zhurmë dhe protesta nisi rastësisht. Organizatorët e eventit nxituan t’i jepnin Olgës një dhomë tjetër, duke i ndarë dy konkurrentet dhe miss-i ruse, Ekaterina, i zgjati dorën koleges së saj dhe tha: “Unë jam kundër urrejtjes dhe pro miqësisë, dashurisë dhe paqes në Botë”. Përveç kësaj, ajo saktësoi gjithashtu se familja e saj është ukrainase dhe shpjegoi: “Unë jam e vetmja nga familja ime që kam lindur në Rusi. Të gjithë të tjerët janë ukrainas”.
Olga shprehu gjithë hidhërimin e saj kështu: “Më besoni, unë jam për paqen, për dashurinë, për miqësinë dhe mbështetjen, por jo për ata që nuk mund t’i fal. Jo për ata që torturojnë vëllezërit dhe motrat e mia. Jo për ata që më morën jetët e kaq shumë shokëve ukrainas”. Dhe përsëri: “Unë nuk kam asgjë kundër asaj vajze, por nuk mund të mos ndjej zemërim dhe dhimbje kur duhet të ndaj hapësirat dhe kohët me eksponentin e një vendi terrorist si Rusia. Dhe në konkursin Miss Grand International qëllimi im është të tregoj për botën vendi im, shpirti ynë ukrainas, bukuria jonë, forca jonë dhe gjithçka që po durojmë tani”.
Pas ndërhyrjes së organizatorëve për ta ndarë nga miss-i rus, Olga komentoi: “Faleminderit të gjithëve, është një hap i vogël por shumë i rëndësishëm sepse tani më shumë njerëz e dinë se çfarë po ndodh dhe cilat janë ndjenjat tona. Nuk do të ndalem së raportuari. atë”.
