Pak më shumë se një vit pasi zbuloi Ligue 1, Lionel Messi nuk do të jetë në fushën e stadiumit ‘Auguste-Delaune’ këtë të shtunë, në transfertën e PSG-së ndaj Reims (21:00).
Argjentinasi është zëvendësuar në minutën e 81-të të Champions League, në ndeshjen kundër Benficas (1-1), pas një dhimbjeje që ndjeu pas një goditjeje. ‘Pleshti’ vuan nga një kontraktim, njoftoi të premten PSG, pavarësisht testeve të para qetësuese.
Edhe sulmuesi Kylian Mbappe është i sëmurë. Që prej kthimit nga Portugalia, ai vuan nga fillimi i anginës. Klubi megjithatë sqaroi se sulmuesi i tij ishte më i mirë, duke mos përjashtuar aktivizimin e tij këtë të shtunë.
Dy të dëmtuari afatgjatë, Presnel Kimpembe dhe Nuno Mendes, vazhdojnë procesin e rehabilitimit, ndërsa Renato Sanches, i dëmtuar në kofshën e djathtë, duhet të rikthehet në stërvitje me grupin javën e ardhshme.
