Kreu i PD, Sali Berisha është duke mbajtur një bashkëbisedim me qytetarët e Libohovës.
Berisha tha e vendi ndodhet në një situatë të rënë ekonomike, pasi sipas tij qeveria veç po vjedh.
Sakaq theksoi se është e dhimbshme që qytetarët shqiptarë ikin çdo ditë nga vendi i tyre.
“Jam sot këtu në një udhëkryq për Libohovën dhe mbarë Shqipërinë. Para syve tanë vendi ecën çdo ditë e më shumë në drejtim të gabuar, para syve tanë shqiptarët po largohen, varfëria dhe skamia po bëhen problem i madh. Vendi ka një qeveri e cila nuk përpiqet të fshehë arrogancën ndaj qytetarëve, përçmimin që ka për qytetarin. Qeveria po rrënon ekonominë e shqiptarëve me vjedhjen që bën. Mbi 60% shqiptarëve vuajnë nga ana ekonomike, pasi pasuritë e vendit nuk po kthehen në mirësi por mallkim për qytetarët. Biznesit i rritet energji dhe furrave të bukës, e cila paguhet nga qytetarët në gramaturën e bukës që blejnë”, tha ai.
