Një 33-vjeçar ka rënë në prangat e policisë së Gjirokastrës pasi ka vjedhur një makinë.
Uniformat blu raportojnë se K. Dh., ka vjedhur makinën e shtetasit Dh. H., në fshatin Vrisera, Dropull.
Njoftimi i policisë:
Gjirokastër/ I vodhi automjetin një shtetasi, identifikohet dhe vihet në pranga 33-vjeçari.
Shërbimet e Postës së Policisë Dropull arrestuan në flagrancë shtetasin K. Dh., 33 vjeç, banues në fshatin Zervat, Gjirokastër.
Arrestimi i tij u bë pasi ka vjedhur automjetin tip “Toyota”, në pronësi të shtetasit Dh. H., në fshatin Vrisera, Dropull. Në cilësinë e provës materiale u sekuestrua automjeti.
Materialet në ngarkim të shtetasit K. Dh. i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
