Pavarësisht nga zhanri që ju pëlqen, një gjë është e sigurt muzika është kudo rreth nesh. Duke marrë parasysh që këngët janë shumë të rëndësishme për shumë njerëz, shkencëtarët vendosën të zbulojnë nëse dëgjimi i muzikës mund të ndikojë në shëndetin mendor dhe ajo që zbuluan mund t’ju habisë.
Siç tregohet nga hulumtimi i fundit, rezultatet e të cilave u publikuan në revistën American Medical Association Network Open, muzika ka një efekt pozitiv në shëndetin mendor. Për më tepër, ndikimi i tij në fakt është i barabartë me rezultatin e arritur nga ushtrimet!
Në gjithsej 26 studime, të përfshira në hulumtimin e përmendur, ekspertët ndër të tjera zbuluan se dëgjimi i muzikës ka një ndikim të madh në shëndet sa edhe aktiviteti fizik. Dëgjimi i muzikës çliron dopaminën në tru.
Edhe pse më parë dihej se muzika ka një efekt pozitiv në shëndetin mendor, ky është studimi i parë që lidh dëgjimin e muzikës, ose e barazon atë me përfitimet e ushtrimeve.
“Nuk na habit aspak fakti që muzika përmirëson mirëqenien emocionale, duke na siguruar njëkohësisht një pushim të nevojshëm nga situatat stresuese. Hulumtimet tregojnë se kur dëgjojmë muzikë, truri ynë çliron dopaminë, një substancë kimike që redukton ndjenjën e tensionit dhe stresit”, thotë psikologu Scott Glassman, një nga autorët e hulumtimit.
