Një aksident mësohet të ketë ndodhur në orët e para të ditës së sotme në aksin rrugor Qafë Thanë-Pogradec.
Burime për median bëjnë me dije se një automjet me drejtues shtetasin M.B., ka humbur kontrollin dhe ka dalë nga rruga. Si pasojë e përplasjes, kanë mbetur të dëmtuar shoferi dhe katër pasagjerët, mes tyre dy fëmijë.
Njoftimi i policisë
Pogradec; Devoll
Informacione paraprake
Sot rreth orës 01:45, në aksin rrugor Qafë Thanë-Pogradec, pranë fshatit Hudënisht, shtetasi M. B., duke drejtuar automjetin tip “Volkswagen”, dyshohet se ka humbur kontrollin mbi drejtimin e mjetit dhe ka dalë nga rruga.
Për pasojë janë dëmtuar drejtuesi i automjetit dhe 4 pasagjerë konkretisht dy shtetaset E. S; M. S., dhe dy të mitur, të cilët aktualisht ndodhen në spitalin e Korçës, të gjithë jashtë rrezikut për jetën.
