Nuk vendosni dot se çfarë të gatuani sot për drekë, doni një vakt të mirë dhe të plotë ne ju sygjerojmë një recetë me përmbajtje mishin e pulës, Pulë me xhinxher dhe hudhër
Perberesit:
1 kg kofshë pule pa kocka me lëkurë
1 filxhan qepë të kuqe të prerë hollë
2 lugë gjelle hudhër të grirë
2 lugë gjelle xhinxher të qëruar të grirë
1/4 filxhan salcë soje
1/4 filxhan lëng të freskët mandarine ose portokalli
Piper i sapo bluar
Vaj vegjetal, për skarë
Pergatitja:
Në një qese kuzhine me zinxhir, bëni bashkë pulën, xhinxherin, qepën, hudhrën, salcën e sojës, lëngun dhe 1 lugë ҫaji piper. Mbyllni dhe tundeni për të lyer pulën me marinadë. Lëreni në frigorifer 1 orë ose gjatë gjithë natës.
Ngrohni paraprakisht një skarë në nxehtësi mesatare dhe lyejeni me vaj. Vendosni pulën në skarë me anën e lëkurës poshtë derisa të marrë ngjyrë, 5 deri në 6 minuta. Kthejeni dhe vazhdoni të piqni në skarë derisa të gatuhet, rreth 5 minuta të tjera. Lëreni të pushojë 5 minuta para se ta shërbeni.
Në mungesë të skarës, mund ta piqni në furrë me anë të grilës.
