“Kemi për të luajtur një ndeshje tjetër dhe duhet parë si një mundësi për t’u rikthyer”. Këto janë fjalët që trajneri i Juventusit, Massimiliano Allegri i tha skuadrës para ndeshjes vendimtare të nesërme ndaj Maccabi Haifa-s. Një ndeshje që tashmë vlen një sezon për kualifikimin në Champions League.
Trajneri i Juventusit i bëri thirrje skuadrës për reagim dhe i kërkoi të jepnin gjithçka, pa u larguar nga ndeshja, siç ndodhi në ndeshjen kundër Milanit dhe në shumë të tjera më parë. “Kur fiton nuk duhet të mashtrohesh, por duhet t’i besosh punës dhe dëshirës për të arritur objektivat”. Ai u shfaq i vendosur dhe i etur për të bërë më në fund një ndryshim në sezonin e deritanishëm.“
Atëherë nëse ka skuadra më të forta se ne, këtë do ta shohim në fund. U kërkova djemve që të mos bëjnë gabimet që kam parë në këtë periudhë dhe nuk duhet të largohemi nga ndeshja por të qëndrojmë gjithmonë brenda pa i dhënë asnjë avantazh kundërshtarëve”.
Rabiot: “Biseda me Allegrin? Folëm për stërvitje. Dhe jo vetëm…”
Fjalën e Allegrit e ka konfirmuar edhe Rabiot, i cili doli në konferencën për shtyp para trajnerit. “Ne folëm me trajnerin për programin stërvitor, siç bën ai gjithmonë”. Por mesfushori francez ka preferuar të mos zbërthehet duke treguar një buzëqeshje djallëzore: “Gjërat e tjera që ai dhe unë i thamë njëri-tjetrit janë diçka që mbetet mes nesh dhe nuk mund të flas për to këtu me ju”.
