Një fermer ka humbur në mënyrë tragjike jetën në Divjakë teksa ishte duke punuar token e tij. Policia bën me dije se 72-vjeçari ishte duke punuar me frezë dore teksa për arsye ende të paqarta ka humbur kontrollin e saj duke pësuar dëmtime të shumta, të cilat shkaktuan humbjen e jetës.
Divjakë / Informacion paraprak
Rreth orës 13:55, në fshatin Babunjë, Divjakë, shtetasi A. B., 72 vjeç, është goditur aksidentalisht nga mjeti bujqësor (frezë dore) me të cilin po punonte tokën. Si pasojë e dëmtimeve të marra, 72-vjeçari ka humbur jetën.
