Kryeministri Edi Rama ndodhet në Strasburg, ku është duke mbajtur një fjalim në Asamblenë e Përgjithshme të Këshillit të Europës.
Rama ka komentuar raportin e Dick Martit lidhur me trafikimin e organeve njerëzore gjatë luftës në Kosovë.
Rama tha se rajoni nuk mund të qëndrojë më pas fantazmave të së shkuarës, ku theksoi se Kosova po përndiqet nga forcat e errëta.
Sakaq shtoi se ajo që ka rëndësi është se lufta në Kosovë ishte e përgjakshme.
“Në këto momente vendet e vogla nuk duhet të braktisen. Nëse kemi mësuar diçka është se demokracia është një proces në ndërtim dhe asnjëherë e përfunduar. Kosova po përndiqet nga e shkuara se sa lehtësisht mund të manipulohet historia nga forcat e errëta. ‘Ballkani i Hapur’ synon përmbushjen e aspiratave dhe objektivave. Ballkani mos të jetë më fuçia e barut, nuk duhet të rimë pas fantazmave të së shkuarës. Duam të jemi një model për një të ardhme të përbashkët. Privimet që bota të gjente marrëdhëniet morale, britma e Kosovës nuk mund të shpërfillej më. Bota demokratike mori përgjegjësi dhe erdhi në ndihmë, ku Kosova fitoi pavarësi.
Lufta është punë e shëmtuar ku dikush synon të drejtën, por ajo e Kosovës ishte e përgjakshme. Nuk do të angazhohem në spekulime por çfarë e ndaloi prokuroren të hetojë? Në 2008 paraqiti një mocion dhe dëgjoni titullin: Trafikim i organeve në Kosovë”, tha ai.
