Policia e Kukësit ka arrestuar dy persona, shtetas të Kosovës të cilët trafikonin lëndë narkotike. Personat që kanë rënë në pranga janë Adonis Vitija, 23 vjeç, dhe Vullnet Berila, 22 vjeç, banues në Prishtinë.
23-vjeçari Adonis Vitija rezulton të jetë i dënuar më parë me 6 muaj burgim nga gjykata e Durrësit, për akuzën e mashtrimit. Por që atëherë është i shpallur në kërkim gjersa u kap ditën e sotme.
Njoftimi i Plotë
Kukës
Vihen në pranga 2 shtetas, për veprën penale “Trafikimi i narkotikëve”.
Njeri nga të arrestuarit i shpallur në kërkim nga DVP Durrës, për mashtrim.
Specialistët për Hetimin e Narkotikëve në DVP Kukës bënë arrestimin e shtetasve:
Adonis Vitija 23 vjeç, dhe Vullnet Berila, 22 vjeç, banues në Prishtinë.
Në hyrje të Pikës së Kalimit Kufitar Morinë, gjatë përpunimit dhe verifikimit të të dhënave në sistem, shtetasi A. V. ka rezultuar person në kërkim, pasi Gjykata e Rrethit Gjyqësor Durrës e ka dënuar me 6 muaj burg, për veprën penale “Mashtrimi”.
Si rezultat i kontrolleve të shtuara, bazuar dhe në analizën e riskut të bërë nga shërbimet e Policisë, është kaluar në vijën e dytë, për kontroll më të imtësishëm, automjeti tip “Audi”, me të cilin udhëtonin shtetasit A. V. dhe V. B.
Gjatë kontrollit të kryer në vijën e dytë, në çantën e krahut të shtetasit A. V. u gjet dhe sekuestrua në cilësinë e provës materiale një sasi lënde e dyshuar narkotike kanabis.
Materialet i kaluan Prokurorisë së Rrethit Gjyqësor Kukës, për veprën penale “Trafikimi i narkotikëve”.
