Arrestohen ditën e sotme në fshatin Moravë të Korçës, Klajdi Latka, 16 vjeç dhe adoleshenti me iniciale L.Xh 19-vjeç, pasi kanë gjuajtur me armë zjarri në drejtim të një lokali, si shkak i një konflikti të çastit.
Nga informacionet policore mësohet se këta dy persona janë konfliktuar me pronarin e lokalit me iniciale M.F, konflikt i cili agravoi në përdorimin e armëve të zjarrit.
Efektivët kanë kontrolluar zonën ku ndodhi konflikti dhe gjetën një pistoletë me municion luftarak.
Materialet janë sekuestruar dhe janë dorëzuar Prokurorisë parë Gjykatës së Korçës.
Njoftimi i policisë:
Korçë. Ndërhyrja në kohë e Policisë parandalon përshkallëzimin e mëtejshëm të një konflikti me armë. U konfliktuan me pronarin e një lokali, vihen në pranga 2 autorët e dyshuar të ngjarjes, njëri prej të cilëve qëlloi në drejtim të lokalit me armë zjarri. Sekuestrohet një pistoletë me municion luftarak. Pas marrjes së njoftimit së në fshatin Moravë, Korçë, disa shtetas po konfliktoheshin me njëri-tjetrin, njëri prej tyre dispononte dhe armë zjarri dhe si pasojë konflikti mund të përshkallëzohej në përdorimin e armëve të zjarrit, shërbimet e Policisë kanë shkuar menjëherë në adresën e dhënë.
Falë reagimit në kohë u bë e mundur kapja dhe arrestimi në flagrancë i autorëve të dyshuar të ngjarjes, shtetasve L. Xh., 19 vjeç, banues në fshatin Moravë dhe K. L., 16 vjeç, banues në Korçë. Këta shtetas janë konfliktuar për motive të dobëta me shtetasin M. F. dhe gjatë konfliktit shtetasi K. L. dyshohet se ka qëlluar me armë zjarri në drejtim të lokalit të shtetasit M. F., pa shkaktuar dëme në njerëz dhe më pas është larguar nga vendngjarja.
Në vijim të veprimeve të mëtejshme procedurale, forcat e Policisë, pasi ndaluan dy të rinjtë e lartpërmendur, kanë ushtruar kontroll në afërsi të vendit ku kishte ndodhur konflikti dhe si rezultat gjetën e sekuestruan në cilësinë e provës materiale një armë zjarri tip pistoletë me municion luftarak, të cilat dyshohet se i përkasin shtetasit K. L. Materialet në ngarkim të tyre i kaluan Prokurorisë pranë Gjykatës së Shkallës së Parë Korçë, për veprime të mëtejshme hetimore.
Kujotjmë se ngjarja ndodhi paraditen e sotme, në fshatin Moravë të Korçës, ku disa të rinj u konfliktuan me njëri-tjetrin dhe pronarin e një lokali. Nga ngjarja gjithashtu mbeti e lënduar nëna e një prej të rinjve, e cila është jashtë rrezikut për jetën
