Dita Botërore e Ushqimit kremtohet nga Organizata e Kombeve të Bashkuara për Ushqimin dhe Bujqësinë (FAO) çdo vit në datën 16 tetor.
Kjo ditë organizohet që prej vitit 1981 dhe synon të sensibilizojë politikëbërësit mbi rëndësinë e ushqimit dhe rolin e tij në shëndetin dhe mirëqenien e individit dhe zhvillimin e mbarë kombeve.
Sipas Organizatës Botërore të Shëndetësisë ushqyerja është sasia e ushqimit të marrë për furnizimin me materiale ndërtuese dhe burime energjie të nevojshme për funksionimin normal te organizmit human. Ushqyerja e ekuilibruar dhe e përshtatshme e kombinuar me aktivitet fizik të rregullt, janë guri i themelit për një shëndet të mirë dhe njëherësh mjete shumë efikase për parandalimin e shumë sëmundjeve dhe për trajtimin e disa të tjerave. Sigurimi i një ushqyerje të shëndetshme dhe të sigurt gjatë viteve të para të jetës ka përfitime për gjithë jetën.
Sipas Save the Children, Covid, lufta në Ukrainë dhe fenomenet ekstreme klimatike kanë kontribuar në vdekjen e popullatës botërore duke e zhytur atë në urgjencën më serioze ushqimore të shekullit të 21-të që po prek veçanërisht më të voglin. Mesatarisht, 1 milion fëmijë nën moshën 5 vjeç vdesin nga kequshqyerja çdo vit në mbarë botën, por më shumë 13.6 milionë rrezikojnë jetën e tyre.
Me rastin e Ditës Botërore të Ushqimit, Save the Children nisi fushatën për mbledhjen e fondeve “Uria emergjente” për kequshqyerjen dhe nisi një peticion për t’i kërkuar qeverive të së ardhshme investime të mëtejshme për të parandaluar emergjencat dhe për të forcuar komunitetet lokale në mënyrë që t’i bëjnë ata më pak të cenueshëm ndaj krizave të ardhshme.
Për shkak të emergjencës së rëndë ushqimore, deri në fund të vitit 2022, të paktën 222 milionë njerëz në 53 zona të botës mund të përballen me urinë kritike, numri më i lartë që nga fillimi i sondazheve. Tragjedi në Turqi: Shpërthen miniera e qymyrit, shkakton 40 të vdekur, 15 ende të bllokuar nën tokë
Përveç kësaj, 970,000 njerëz tashmë po përballen me kushte të ngjashme me urinë në 5 vende, Somali, Sudanin e Jugut, Afganistan, Etiopi dhe Jemen, thotë Save the Children. Në mbarë botën, deri në 345 milionë njerëz nuk kanë akses në ushqim të mjaftueshëm me vlera ushqyese, deri në atë pikë sa jeta dhe jetesa e tyre janë në rrezik të madh. Një shifër që ka shënuar një rritje prej mbi 150% që nga viti 2019 dhe pasqyron nivele të paprecedentë të urisë në botë. Mjafton të thuhet se, çdo 4 sekonda në mbarë botën një person vdes nga uria ekstreme.
Nëse masat nuk ndërmerren menjëherë, në muajt e ardhshëm në gjashtë vende, Afganistan, Etiopi, Nigeri, Somali, Sudanin e Jugut dhe Jemen, do të ketë uri dhe vdekje të përhapura.
