Duke qenë se linja gjermane ka mbizotëruar, çështja e “kapakut të çmimeve” duket se është lënë mënjanë për momentin, ndërkohë që po punohet për ndërhyrje të reja legjislative.
Nuk është arritur ende një marrëveshje e përgjithshme për gazin në Bashkimin Evropian , por Komisioni i BE-së premton të arrijë një zgjidhje së shpejti. Këtë e ka bërë të ditur presidentja Ursula von der Leyen. “Diskutim i mirë për energjinë me anëtarët e Kolegjit, janë realizuar përparime të mira në zbatimin e udhërrëfyesit për të trajtuar çmimet e larta të energjisë, të paraqitura para liderëve në samitin jozyrtar në Pragë. Ne do të miratojmë një tjetër paketë propozimesh legjislative në mbledhjen e radhës të Kolegjit të martën”, tha ajo.
Propozimi, sipas burimeve, nuk do të trajtojë drejtpërdrejt çështjen e “tavanit të çmimit” të gazit, në kundërshtim me atë që hipotizohet nga një sërë vendesh, përfshirë Italinë, pasi në nivelin e liderëve tavani nuk ka u gjet dhe linja gjermane vazhdon të mbizotërojë.
Propozimi i Komisionit do të përfundojë drejtpërdrejt në tryezën e 27 liderëve evropianë që dp takohen më 20 dhe 21 tetor. Megjithatë, më 25 tetor, Këshilli i Çështjeve të Energjisë do të kthehet për të shprehur mendimin e tij mbi propozimin legjislativ, i cili mund të ketë një dritë jeshile vetëm në nëntor, kur presidenca çeke do të thërrasë një takim të ri të jashtëzakonshëm të ministrave të energjisë.
Paketa mbi të cilën po punon ekzekutivi i BE-së duhet të përmbajë një fuqizim të platformës së përbashkët të blerjeve, në të cilën do të ftohet të marrë pjesë edhe industria, si dhe një ndërhyrje për të frenuar paqëndrueshmërinë e tepruar të FTF, të cilën vetë von der Leyen e ka përcaktuar si të “ndërtuar për nevoja të tjera”.
