Kryeministri Edi Rama e ka nisur herët ditën sot ku nuk ngurron të përcjellë mesazhe politike për mbështetësit e PS, teksa përshëndet me një video në të cilën shfaqen dy breshka nga zyra e tij në selinë e Partisë Socialiste.
Me anë të një postimi në rrjete sociale, krahas videos, Rama shprehet optimist se PS-ja do t’i fitojë zgjedhjet lokale. Më tej ai ka sjellë në vëmendje edhe rrezikun për rritjen e çmimit të energjisë elektrike, ku uron shqiptarët që të bjerë sa më shumë shi, për të parandaluar kështu inflacionin për shkak të luftës së Putinit.
“Mirëmëngjesi, një ditë e re, një jave e re, në zyrën e Partisë Socialiste, për të nisur edhe një rrugë të re, drejt një fitore të re, atë të zgjedhjeve vendore. Në dialogun me komunitetin në të gjithë Shqipërinë, për qeverisjen vendore dhe për të sfidat e përbashkëta. Paçi një javë të mbarë, me sa më shumë shi mundësisht. Shiu nuk duhet të na harrojë, pasi na duhet për të luftuar me inflacionin e luftës së Putinit, që nuk e kemi sjellë ne, por duhet të bëjmë çmos ta lehtësojmë sa më shumë për të gjithë ju”, pohon Rama, ndërsa në video shfaqen edhe dy breshka që qëndrojnë në zyrën e tij.
