Kryeministri Edi Rama u ka bërë thirrje të gjithë bizneseve që të rrisin pagat e punonjësve, në mënyrë që të kenë më shumë produktivitet në punë.
Gjatë fjalës së tij, Rama tha se në vend që të investojnë në mure apo sende materiale, bizneset duhet të investojnë në pagat e punëtorëve, që të ketë shërbim më cilësor e të dyja palët të ngelen të kënaqura.
“Fakti është që ja ku është bërë një super atraksion dhe një super biznes. E përsëris rrisni pagat. Fitoni më pak sot sepse siç po investoni për muret e për tavolinat e për të gjitha, mos harroni se rritja e pagës është një investim për njerëzit që duhet të keni aty, se pa ata do të fitoni më pak. Më mirë ndajini fitimin me ta që t’ja shikoni hajrin në 3-4 vitet në vijim. Është shumë rëndësishme kjo”, deklaroi Rama.
