Ka kaluar pothuajse një vit që kur Josh Cavallo njoftoi se është homoseksual, por edhe tani ai ende lufton për të kuptuar ndikimin e gjerë që ka pasur publikimi i tij veçanërisht pasi ai ka filluar të flasë hapur për çështjet kryesore, veçanërisht Kupën e Botës në Katar.
Cavallo është bërë një nga emrat dhe fytyrat më të njohura në futbollin botëror. Futbollisti i Adelaide United u emërua së fundmi “Njeriu i Vitit” në një ceremoni çmimesh të organizuar nga Attitude Magazine, botimi më i madh i revistës LGBTQ në Europë.
Ishte kulmi i një viti të stuhishëm që filloi me atë që ai e përshkruan si fillimin e një kapitulli të ri në jetën e tij.Cavallo tha se do të “friksohej” të luante në Katar, ku homoseksualiteti është i ndaluar.
Në përgjigje të frikës së Cavallos në atë kohë, Nasser Al Khater, shefi ekzekutiv i komitetit organizativ të turneut tha për CNN: “Përkundrazi, ne e mirëpresim atë këtu në shtetin e Katarit, ne e mirëpresim. Askush nuk ndihet i kërcënuar këtu, askush nuk ndihet i pasigurt.” Ndërkohë që futbollisti australian do të shprehej: “Unë e di personalisht, nëse shkoj atje, do të jem i mbrojtur sepse jam në sy të publikut.
Por nuk jam unë që jam i shqetësuar. Janë ata që më dërgojnë mesazhe. Janë ata njerëz që nuk janë në sy të publikut që kanë frikë të jenë vetvetja dhe të ecin në rrugë. Të shohësh se po shkojmë në një vend që po kriminalizon njerëz si unë është shumë shqetësuese”, shtoi Cavallo.
