Nora Istrefi ishte e ftuar mbrëmjen e djeshme në “Më lër të flas”, ku u ndal edhe tek sherri me Leonora Jakupin. Kohë më parë, ishte përfolur se Nora i ka marrë Leonorës këngën “A e ke ditë” pa leje duke ia “djegur”. E pyetur a ja ka vjedhur këngën Leonorës, Nora u shpreh se nuk e ka bërë kurrë e madje atë këngë e ka shkruar vetë.
“Kurrë nuk i kam vjedhur këngë Leonora Jakupit. Të ishte një këngë e Leonorës unë s’do ta bëja kurrë. Bëhet fjalë për këngën “A e ke ditë” e cila këngë e Flori Mumajesit. Refreni është i Florit ndërsa pjesën tjetër të këngës e kam bërë vetë. Ka qenë këngë shumë personale e imja në kohën kur është bërë dhe e kam ndjerë shumë, hala e dua si këngë”.
I menjëhershëm ka qenë dhe reagimi i Leonorës. Ajo është treguar e ashpër duke u shprehur “edhe hajn edhe rrenc” në një postim në Instagram, direkt pas intervistës së Norës.
