Gazeta franceze “Le Parisien” ka zbuluar pagat e sulmuesve të PSG-së Lionel Mesit dhe Nejmar. Pasi zbuloi kontratën e yllit francez Kilian Mbape tashmë është radha e dy futbollistëve të tjerë.
Nejmar, nënshkrimi më i shtrenjtë
Transferimi i brazilianit është cilësuar si më i shtrenjti në historinë e futbollit në vitin 2017, kur PSG pagoi 222 milionë euro për ta liruar nga kontrata e tij me FC Barcelona. Kështu Nejmar ndërmori një aventurë të re në Francë duke nënshkruar për pesë vjet me një normë prej 36 milionë euro neto për secilin prej tyre. Një vit më parë ai rinovoi deri në vitin 2027.
Mesi mbërriti me letrën e lirisë
Nga ana e tij, Messi mbërriti me letrën e lirisë vitin e kaluar dhe ra dakord me PSG-në një pagë prej 41 milionë eurosh neto në vit deri në vitin 2023. Argjentinasi merr një pjesë të shpërblimit të përmendur në kriptovaluta.
Ish-lojtari i Barcelonës përfiton një regjim tatimor të ndryshëm nga ai i Nejmar dhe Mbape, pasi Rosario nuk ka rezidencë tatimore në Francë. Në këtë mënyrë, ai paguan 30% taksa ndërsa Nejmar dhe Mbape 49%./Panorama.sport
