Drejtori sportiv i Napolit, Cristiano Giuntoli, i është përgjigjur një pyetjeje në lidhje me nënshkrimin e mundshëm të sulmuesit të Manchester United, Cristiano Ronaldo.
Së fundmi në media kanë rinisur zërat për interesimin e napolitanëve me portugezin 37-vjeçar, i cili dëshiron të largohet nga Manchester United për hir të lojës në Champions League.
Giuntoli nuk e konfirmoi këtë informacion: “Ndoshta do të më duhet të përsëris veten, por tani realisht nuk mendojmë për transferime. Për momentin nuk kemi nevojë për lojtarë”, tha drejtori sportiv i napolitanëve në një intervistë për DAZN.
