Një aksident është regjistruar në Vlorë këtë të enjte ku shoferja e mjetit tip ‘BMW’ ka mbetur e plagosur.
Burime për mediat bëjnë me dije se ngjarja ka ndodhur pranë Gjykatës së Apelit ku mjeti tip ‘BMW’ duke qenë në korsi të kundërt, nga shpejtësia ka humbur kontrollin dhe për pasojë është përlasur me tabelat dhe trafik ndarësen.
Për pasojë, mjeti ka përfunduar në korsinë tjetër ku ka prekur edhe një tjetër mjet tip ‘Hondai’.
Sakaq, mësohet se drejtuesja e mjetit ndodhet në spital jashtë rreziku për jetën. Ndërsa në rrugë është rrëzuar edhe një prej shtyllave të ndriçimit.
