Spartak Dyrmishi, i cili u arrestua ditën e djeshme dhe iu dorëzua autoriteteve greke, po mbahet në një qeli në qendër të Athinës.
Pritet që 45-vjeçari në orën 17:00 të ditës së nesërme të transferohet në gjykatë. Sipas mediave greke, shqiptari gjatë rrugës për në Athinë ka qenë plotësisht i qetë.
“Ai është në botën e tij. Sikur nuk e ka kuptuar se çfarë ka ndodhur dhe pse po akuzohet”, tha një burim policor për median greke.
Përdhunuesi i cili u arratis në atdhe për t’i shpëtuar policisë greke u fsheh në qytetin e Vlorës, aty ku ka banuar pasa se të shkonte në emigrim.
Në banesën që ai ka në qytetin bregdetar momentalisht banojnë qiraxhinj.
I arrestuari është i divorcuar me dy fëmijë. Ish-bashkëshortja dhe fëmijët e tij jetojnë në Shqipëri. Në Athinë ai jetonte me nënën e tij, e cila pasi mori vesh lajmin e rëndë tha se “nuk e pranon as të vdekur”. Vetë ai nuk punonte, ndërsa mësohet s ekonsumonte edhe alkool.
Mediat greke raportuan 45-vjeçari ishte bërë i dhunshëm dhe dyshohet se kishte rrahur edhe nënën e tij brenda shtëpisë ku jetonin.
