Pas aksidentit të ndodhur në mesditën e sotme, një tjetër aksident është regjistruar mbrëmjen e sotme në Vlorë. Automjeti, një furgon mallrash, ka aksidentuar një grua, e cila është transportuar për në spital.
U mësua se gruaja ndodhet jashtë rrezikut për jetën. Ndërkohë policia ndodhet në vendin e ngjarjes.
Njoftimi i policisë:
Vlorë/Informacion paraprak
Rreth orës 17:20, në rrugën “Ali Demi”, Vlorë, mjeti furgon me drejtues shtetasin K. D., 22 vjeç, banues në lagjen “Partizani”, Vlorë, ka aksidentuar këmbësoren shtetasen N. B., 47 vjeçe banuese në fshatin Armen, e cila ndodhet në spitalin e Vlorës, nën kujdesin e mjekëve.
Drejtuesi i mjetit, shtetasi K. D., u shoqërua në Komisariat, për veprime të mëtejshme.
Në vendngjarje ndodhet grupi hetimor, i cili po punon për sqarimin e plotë të rrethanave të aksidentit.
