Eshtrat e 500 grave dhe fëmijëve u gërmuan në ish-kampin e tmerrshëm të një burgu në Rusinë jugperëndimore, që besohet të ketë qenë një kamp përqendrimi nazist. Dulag-191 në Luzhnikovo, rajoni i Voronezh afër kufirit me Ukrainën strehoi dhjetëra mijëra persona gjatë luftës, dhe 8500 njerëz besohet të kenë humbur jetën në këtë kamp.
Videoja e publikuar, tregon gërmuesit që zbulojnë eshtra në zonën që dikur ishte pushtuar nga ushtria e Hitlerit. Shefi i skuadrës së kërkimit, Mikhail Segodin tha se trupat e gjetur ishin kryesisht të grave dhe fëmijëve.
“Duke gjykuar nga mbetjet e zbuluara deri më tani ne shohim plagë të shtënash me armë, kocka të thyera. E vetmja gjë që mund të thuhet me siguri është që pothuajse të gjithë njerëzit që vdiqën këtu ishin të rinj”, tha Segodin.
“Më kanë thënë se në këto gropa, poshtë këmbëve të njerzve që ishin ende gjallë shtriheshin trupat e të vdekurve”, tregoi historiani Viktor Streklin.
Një sistem i rëndësishëm kampi vdekjeje u ndërtua për ukrainasit, me miliona të vrarë para, gjatë dhe pas Luftës së Dytë Botërore.
Përshtati:Priza.al/Burimi:DailyStar
